Pasaiako mintzalagunak arraunean
2009-06-05 ¦ Pasaiako Udal Euskaltegia
Joan den igandean, maiatzak 31, Pasaiako Udal Euskaltegiko mintzalaguneko taldekoak arraunean ibili ziren Pasaiako badian. Albaola elkarteko kide batek lagunduta, arraunean eman zuten goiz osoa.
Traineru batean sartu eta arraunean egiteko aukera ez da egunero izaten eta bigarren urtez egin duten saioa, berriro ere, denen gustukoa izan da. Ume eta ez hain ume denak batera arraunean, Markos Sistiagaren agindupean.